المقالات
سكة رجوع
******
شعر/عبدالباسط الغرابلي عضو
أتحاد كتاب مصر
مفتتح:
عنيكى شق القمر * ساعة السفر فى النور٠٠
وإيديكى بلسم عفى * لو تكشفى المستور٠
والحظ لو تبدريه * فى أى أرض تبور !؟
***********
يامر ساكن فى الضلوع ٠٠
أمتى تجوع ٠٠٠
تخرج تدور فى الدموع ٠٠ ٠٠
عن سكة سالكة للرجوع ٠٠٠٠
كان الأمان هنا درعنا ٠٠٠٠٠٠٠
وحضن دافئ بيضمنا ٠٠٠٠
صبحت حياتنا مضلمة ٠٠
ومقفلة زى التابوت ٠٠٠٠
تاهت عقولنا في الدجى ٠٠
خيم عليها الحزن موووت ٠٠٠
وجف م العرق النسب ٠٠٠٠٠
والطرح آيل للسقوط ٠٠٠٠
*******
كنا بشر بتضمنا وتلمنا ٠٠
عزوة وصلات ٠٠٠٠٠
صبح الفشل من طبعنا ٠٠٠٠
والصرخة ماتت فى السكات ٠٠٠
يااااه ياغدر عشش ع البيوت ٠٠
أمتى تموت ٠٠٠٠
وتزول جيوش العنكبوت ٠٠٠
من ع التابوت ٠٠٠٠
ياإللى مادبتش فى ٠٠٠
السنين ولا فى الأنين ٠٠٠
ولا حتى فى ثورة حزين ٠٠
أرجوك كفاية غرقنا ٠٠٠
فى بحر الدموع ٠٠٠٠
خللى النهاية فيها ٠٠٠
منفذ للرجوع ٠٠٠
