النورس صناع الجمال

د. عبدالله البطيَّان

(التفاصيل الصغيرة اللي تخلينا نحب)
تكبر ونكبر معاها بالفعال وبالكلام

هي كذا فعلاً وقولاً بالدفاتر تنكتب
ويصبح التاريخ يحكيها على مر الأنام

كل شي يبدا صغير ويكبر بجهد وتعب
بعدها نلقى سعادة بمنتهى المجد وسلام

السلام اللي عطانا وعي نرقى به الصعب
وننعش العالم معانا لأجل ما يبقى ظلام

وبكذا نحيا ومن أحياها من ربي وهب
مد ايده بالفضيله وأعطى آمال ومقام

ويصنع الفرحه بوجه الناس بالخير تحسب
يوم عن كل العمر تلقاه ما يلقى حرام

ما يعرف اللي اقوله غير شخصٍ منّكب
أو صنع مثلي الجمال وشاف بعيونه الوئام

ومن تعلى أو تخلى عن هله هذا يكب
وما ينال الذكر الأبيض غير ذمه لا تنام

هذي هي صغر الفعايل نقطه نقطه لو تصب
تجتمع مثل العرمرم في النهاية والختام

ربي اجعل لي ومن يقرا ومن يسمع طلب
ما يرد ولا يصد ولا يخيب ولا يلام