الدايم الله

ترا الزمن مايدوم لوزان مازان
لابد ياجي يوم ترضى بنصيبك

هذي كذا الدنيا على فرح وأحزان
يجيك مولودك وتبكي قريبك

(مادام) فيها ملوك وأصحاب سلطان
الكل فاني والعمل هو صحيبك

فيها عرب واجد على كل الألوان
وقلوبهم شتى وربي حسيبك

عامل جميع الناس في كل ميدان
على حسب تربيتك وحسب طيبك

أعمل مع كل البشر صدق وإحسان 
وأشغل حياتك كيف إصلاح عيبك

هذي حقيقة واقعه دون برهان
حتى عدوك يصبح ابنه طبيبك

خل ألوفا والطيب لك خير عنوان
والكل في الدنيا صديق وحبيبك