قصيدة تسعين عام

بقلم الشاعر : حمد العبدلي

بسم الله أبدا والخزي لكل شيطان
وبديت أكتب في الوطن شهد حالي

هات القلم بأكتب قصيدة وعنوان
في مجد دولة حققت كل غالي

تسعين عامٍ بين حاكم وسلطان
ترقى سنودٍ في السما للمعالي

عبدالعزيز اللي مؤسس للاركان
أركان دولة شامخه ماتبالي

هذي السعودية لها هيبة وشان
بين الدول من عصر اول وتالي

تحكم بشرع الله لوكان ماكان
تدك حصن العدوا سهل وجبالي

ملوكها ترمي العدا وكل خوان
وجيشها قوة جنوب وشمالي

يا موطني أنعم على عهد سلمان
تفداك روحي ياوطن لك حلالي

ترضخ لحكمه بلعدل انسها وجان
يحكم بشرع الله ياخير والي

وولي عهد المملكه خير برهان
عين تنام وعين تسهر ليالي

محمد ابن سلمان ياسيف سلمان
ياوجه بدرٍ في سمانا زها لي

يرد كيد الترك ويوقف إيران
والحوثي اللي مالقا له مجالي

رد السعودية عليهم بنيران
مابين صواريخٍ ومدفع وآلي

رؤية ثلاثين الذي تحكي بلسان
تحقق طموحات البلد بأكتمالي

نهضه وتطور ثورة المجد بركان
نظرة ملوك تحقق اطموح بالي

غنى المواطن للوطن أعذب ألحان
والكل غنا في وطنّا يالالي

أفرح مع عيد الوطن روح إنسان
الروح درعٍ والجسد له جبالي

مهد الرسالة موطني وأرض قرآن
الله اكبر يوم أذن بلالي

وصلاة ربي عد مانور ها بان
على النبي محمد وصحبه والآلي