من قدّر الأخوة

بقلم الشاعر : حمد العبدلي

من قدر الخوة نعزه ونغليه
ومن لايقدر خوتي ماارتجيته

ومن قدر الوقفات بالمثل نوفيه
ومن لايقدر وقفتي ما احتويته

ومن قدم المعروف ماني بناسيه
اجيه واتعنى إلى باب بيته

عز الرفيق اللي يواصل وآجيه
اللي ليامن ضاق صدري نصيته

لاصار له حاجة أقدم وأعطيه
وان صار لي لزوم جيت ونخيته

ومن ذمني في حضرته انبلش فيه
يذود عن عرض الخوي يافديته

هذا الخوي لايمكن إني اجافيه
وإن جيت مجلس بالمكارم طريته

يارب جملني معه لين اجازيه
بفعلٍ معه يذكر الياجابو صيته