المقالات
قصيدة ((خل الفراق))
|
الشاعر الشريف حمد العبدلي ( الهاجس )
ياصاحبي هاك العسل من منحله اشرب بلذة عاشقك وبلا ثمن
وآرد على عذب الغزل من منهله يروي القلوب اللي معذبها الشجن
خل الفراق المُرّ قل مالي وله خلّه لمن يهجر حبيبه من زمن
واصل حبييك عاشقً جابه وله واضرب بسيف الوصل يابن ذي يزن
خلك على مبدا المحبه الاوله واترك دروب الهجر واسباب الغبن
تلقى بها راحه وتلقى باالصله كل الذي تبغيه في ارجاء الوطن
وابعد عن اللي حبهم فيه بهذله من شام او من نجد لاطراف اليمن
واعرف ترا درب المحبه مسأله تحتاج للخبره وقلبً يؤتمن
|
