” \u0642\u0637\u0631 \u0627\u0644\u062d\u064a\u0627\u0647 “

الشاعر خالد فضل

قطر الحياه الشفتشى
عدا و مشى
لاسابلى حاجه من زمان
بتستحى وبتختشى
وفضِلى قطر إسود غميق
ليلو غِشى
مع إنى واخد ع الأمان
مع كل لون ..
لون السما أزرق إشى
أو مشمشى
ياقطر عدا كام محطه
فاضلى إيه غير بعضشى
وياحياه عندك هِنا
سيبينى أفرح كام سنه
واتزوقى وادندشى
واحلوى حبه وِفرفشى
وبعدها إبقى اركنى
وسودى ودكنى
والحزن كله حوشى
وخلى ألوانك بُكا
وإلوى بوزك .. كرمشى
وابقى إعملى قرد واقطع
أو بنطلون حِجْرُو إتقطع
و م البِرك رشى عليا وطرطشى
ما قطر الحياه الشِفتشى
عدا و مِشى