(( عمـّر قصور الود))

للشاعر الشريف حمد العبدلي (الهاجس)

عوضتني عن كل مافات مـني
وسكْنتني مابين رمشك والاهداب

وجرّيت لك بالصوت وحــدي أغنـّي
انت الوحيد اللي هنا سيـد الاحباب

حققت هـقواتي على حسب ظنّي
وغيرك طوينا صفـحته كِنـّه ذباب

انت الذي من وحلها انتشلنّي
وفتحت لي داخل حناياك ابواب

وقّف على اطلال روحي وهنـّي
تلقى الوفا منّى على كل الاعتاب

وعمّـر قصـور الود واســكن وبنـّي
وسط المحاني والبقيه به اغراب

وغيض الحسوداللي رماني امتعنّي
كـذا سـواته مـالـها أيــّة اسـباب

انا بعـد والله لوجا سألنــّي
وشلون احساسك مع احساسها ذاب

بااجاوبه اني سعيد امتهني
بوجود غروً للهوا دوم طلّاب

وافي معي ولابلحظة خذلنــّي
نسل الشيوخ اللي لهم عدة القاب

ارتاح ياقـلبـي وترجم لفنــّي
بقصيدةً من عقب ماعارضي شاب