عبدالرحمن فرحان العنزي – القصيم
اخذ النصحيه لا تدور بدلها هذا مقاله عملاق الشعر في اخر قصائده حينما وجها الى ابنه مشعل ، عرف الشاعر محمد بن سماح الغيداني الحربي في مشاركاته العديده في الشعر ومجاراته لابرز الشعراء حيث شارك في قصائد وطنيه كان ابرزها ‘لاتقرب الحكام وقت الحماسه ‘
الشاعر محمد سماح الغيداني اسم ظهر في ساحة الشعر وحازت قصائده على انشاراً واسع في مواقع التواصل الاجتماعي لما لها حظور قوي وانتقاء مواضيع الشعر وندون لكم اخر قصائده الذي كتبها ..
يامشعل الدنيا تضيع باملها
تجي على ماقدر الله وتروح
لها مع الايام مسرح وملهى
رغادها في مزنها وبرقها يلوح
ماعلمت باسرارها من سالها
بامالها تبني عمارات وصروح
دنيا الفنى يجهل بها من جهلها
ويخشى عواقب غدرها كل طحطوح
اخذ النصيحه لاتدور بدلها
اعمل بها وعلم بها اخوك ممدوح
يامسندي خل الرديه لاهلها
جنب مساليك الردى وابعد الشوح
خل اهل الهفوات تمشي قبلها
اللي لهم باب الردى دوم مفتوح
لا تاكل الحرجه معا من اكلها
عطها قفاك وخلها لكل مشفوح
اعنز لراس العاليه من جبلها
كل معان الطيب في عز ونجوح
لازم تفقد كلمتك عن زللها
منشان مايفرح بها كل مفضوح
ماحاسب الله نفس الا بعملها
والعبد يلقى ماكتب له على اللوح
الله خلق كل النفوس وكفلها
ياما عطى روح وياما خذا روح
ابيات من شاعر بناها وقفلها
حقيقه ماهي سواليف ومزوح
