احزان قلبي

تركت خلفي كل همٍ أشيله
واحزان قلبي ما لها بيت ثاني

إلا المحبّه غايتي والوسيله
والجرح في كفي وصمتي كواني

سود الليالي في عيوني طويله
محروم لذ النوم دامي أعاني

واكبر همومي لو بعيني قليله
الجرح واحد منزله في مكاني

ياليت اصبر واكتم الدمع ليله
لكن دموع العين ايضاً عصاني

أنا كريمة ذات ماني بخيله
وانا عظيمة شان اكبر ب شاني

وانا عظيمة اصل بنت الأصيله
اليوم يومي والزمن هو زماني

اكتم بصدري غيظ لاني جليله
وادعي هداية كل شخصٍ أذاني

بقلم ولهة الشوق
شيخه المقبالي