(( ما تشرفني ))

ما اقبل الذل مهما الشوق يتعبني
مهما اعاني ماوطي هامتي ورأسي

مرفوع قدري و خلق الله تعرفني
عزيز قوم بين ربعي وبين ناسي

صحيح احبك و لكن ما تشرفني
لأجل الكرامه يلعن بوه احساسي

بعيد عليك أقفل بالقطن إذني
وأرضا الهيانة علشانك وانداسي

هذه الحقيقه عرفتك ما تواطني
ومسوي نفسك بافعالك لنا ناسي

الله حسيبك سنين وأنت تغدرني
وانا معذب وأبكي قهر من يآسي

مثلت دور المحب اللي يساندني
و لاحن قلبك ولا ترحم ولا تواسي

لا جيت بالشوق ترفض ما تكلمني
واقول ممكن يعاني ظرفه القاسي

لأجل المصالح كنت تقول تعشقني
وانا ابادلك مشاعر حب باخلاصي

و اليوم ابعد عن عيوني و فارقني
لو كنت نسمة انا مابغاك بانفاسي
/////////////////////
شعر / مصبح قاسم أبو عبدالله
٢٢ / ٨ / ١٤٤٣ هجري