المقالات
شيلوا الراء
****
شعر/عبدالباسط الغرابلي عضو أتحاد كتاب مصر
شيلوا الره من قلب الحرب تبقي حياتنا حب فى حب نلقي الدنيا فرح وشموع
مافيهاش خوف ولا حتى دموع ولا فيه طفل ما بينا يجوع لا فى الشرق ولا فى الغرب
شيلوا الره
نفسي يكون سلاحك مفيهوش قتل ودمار
ويعيش في الكون صلاحك قدوة لكل الكبار
وتشرق فى المغارب وتحقق المآرب
وفى كل مجال تحارب ولكن بالحوار
شيلوا الره
وياصاحبي ياإنسان بأناديك وبكل لسان
ليه المكان ضاق بينا ليه الأمان ضاع فينا
ليه عايشين في الحروب ليه تايهين في الدروب
خلينا نعيش لبكره نحب بدال مانكره
ويعود حضنك حنان ياصاحبي ياإنسان
