((ذكرى التأسيس))

الشاعر الشريف حمد العبدلي(الهاجس)

ذكرى تأسيس السعوديه المجيده
محمد ابن سعود تاريخ وإمام

دولةٍ تحكم على شرع وعقيدة
من ثلاث قرون تأسيس وسلام

الوطن غالي وماتوفيه قصيدة
ولا تفي بتاريخ حكامً عظام

كم مهماتٍ تخطاها عديدة
بعزم حكامٍ نسل قاده كرام

مايزعزعها عميل ولا مكيدة
ثابته في خط سيرٍ للأمام

بفضل رب البيت واراءً سديده
قادةً قادوها عامً بعد عام

الملك عبدالعزيز والسيف بيده
وحد الدوله واولاها اهتمام

أكملو بعده مسيرتها الاكيدة
عياله اللي قاموا بعده بأحترام

لين جا سلمان ومحمد عضيده
الامام ابن الامام ابن الامام

احتموا الموقف ونهضتها تليده
والقسم بالله شعبً مايضام

العلم رفرف ورددنا نشيدة
موطني قد عشت رمزاً للسلام