” \u0623\u062c\u0645\u0644 \u0645\u0627\u0641\u064a\u0643\u0649 “

الشاعر : خالد فضل

أجمل مافيكي ياحبيبتى دا لون عينيكى
والرموش ضليله بِ داري عليكى
والحنان إللى بحسه
بلمسه دافيه من إيديكى
والضحكه طالعه من شفايفك صوتها يعلا ..
يعلا يعلا لما ترجع تانى
ليكى
أجمل مافيكي ياحبيبتى
دا لون عينيكى

ياحبيبتي خلاص كفايه
قلبي عَرفتو الحكايه
قلبى عاشِقك م البدايه
وبردو عاشقِك لِ نهايه
ياللى واخدانى ف طريقك
مره واحده لل غوايه
وقلبى دقاتو تناديكى
أجمل مافيكى ياحبيتيى
دا لون عينيك

ياحبيبتى قولى أيوه
واللا عاشقاك واللا غاويه
واللا حتى ل حبى ناويه
حضنى مستنى كلامك
حضنى مستنى سلامك
بس ترضى يا حبيبتى
هبنيى ليكى ف قلبى دوله
ياحبيبتى ابدئى بس المحاوله
ووعدك اكسب رهانك
ياحبيبتي ف كل جوله
واسمعى قلبى إللى دايماً
بيناديكى
أجمل مافيكى ياحبيبتى
دا لون عينيكى

طب إوعدينى بس وعد
ونبقى نتفاهم في بَعد
قلبى محتاج بس كلمه
واللا غمزه ندوب ف بعض
صدقينى لو شاورتى
المشاوره هتبقى عقد
ويا سلام لو ضحكتى
ورق قلبك
راقت الدنيا حقيقى
وحظى حلو بجد
ياحبيبتى إنتى حبك
ليا مجد
وقلبي مستنى يناديكى
ف كل مره ويحكى ليكى
أجمل مافيكى ياحبيبتى
دا لون عينيكى