المقالات
========{لاتشكي الحال}========
لا تشكي الحال خل الحال مستوره
ماجاك همٍ تراك بكثر ما جاني
جروح المصايب تراها بقلبي محفوره
لاتجعل الملح فوك الجرح يافلاني
عزي لنفسي بلاها اليوم مكسوره
وقلبي من الهم شبت فيه نيراني
على زمانٍ رمانه اليوم بشروره
وكم واحدٍ في مصابي صارشمتاني
كني وسط غابةٍ ووحوش مسعوره
ماكنهم عندنا اصحاب واخواني
يا صاحبي دنيتك بالعون حزوره
وما ينعرف صاحبك الا بالمحاني
الصاحب الزين من افعاله مشهوره
اللي على الناس مذكورٍ باحساني
ولا الردي يخذلك ويقدم عذوره
دخيل ربي عسا ربي لايبلاني
اللي على قبور ربعه عمر قصوره
بصورة ملاك يتخفا خلفه شيطاني
عالم وشيخٍ وتاخذ منه الشوره
لكن اسف والحقيقه انه الجاني
حرباء متلونٍ كل حين في صوره
كل يوم لونٍ تشوفه بعدة الواني
اغلب ترى الناس هالايام مدهوره
يكفيك شرها بلا ذمه ووجداني
دموع السكايب على الخدين منثوره
وما يحزنك الا من في صحبتك خاني
والحر حرٍ واذا حاطت به صقوره
معروف في طيرته وفي مد جنحاني
الدهر قرطاس ويكتبنا على سطوره
وياما ضحكنا بظله وياما ابكاني
دنيا حقيره تغرك وانها مغروره
ومن يامن الوقت اصبح فيه خسراني
نفسي من الهم والايام مقهوره
وكم مرةٍ صابني من الناس احزاني
اجعل ذنوبك بوسط الجوف مطموره
ولا يفضحك مابين ربوعك لساني
افطن على الموت وكلنا ندخل قبوره
وكل من على الكون لابد راحل وفاني
عوف السوالف ترى جلسنا محضوره
ودنياك يا صاحبي تلعب على الحاني
خلها على الله يرتب ارضه وبحوره
ربٍ كريمٍ كبير الجاه والشاني
تمت وصلو عدد حرف وعدد سوره
على رسولٍ هدانه لخير الادياني
========================
✍ الشاعر نافع الكبيسي…
