خسارة فيك قلبي

انا مش هسامحك
ابدا تاني
وهقفل قلبي خلاص
وانساك
ولا عدت هفكر خالص
فيك
لان كتير وياما
اترجيت
وخفت عليك و لحبي
وفيت
وقلبي كان صاينك
وحاميك
لكن انت طلعت ظالم
و اسي
وغدرت بالقلب اللي
شاريك

طب فكرني في
مرة مايمكن
ناسي وقولي
ان كنت معاك
قصرت في شيء ..
او حتي
ف لحظة نسيت
وف مرة قسيت
هتلاقي انك غلطان
وانا اللي كنت تمللي
ب اجي كتير علي نفسي
ومهما تقسي
علي قلبي وتبعد ..
بيحن اليك

لكن بعد ما شفت
الغدر
في عنيك وبعت القلب
المخلص ليك
و غاليك انا هبعد عنك ..
ايوة خلاص هنساك ..
ودا حقي
ومن اللحظة
خسارة فيك قلبي
ومتنساش
انك دايما كنت
البايع
والغلطان وانا
قلبي شاريك
وبيغفر علطول ويسامحك
وانت الخسران
و الحق عليك

دكتور ابراهيم القماش
مصر