احذر من الدنيا ترى ما هي بلَك

:

يا طالب الراحة ترى ما هي بلَك
في هذي الدنيا فلا تحتريها

تسعى وتتعب في طلبها وتصتك
باهوالها وتسوّي انك نبيها

وتقول واتعب لي شويه ونفتك
وتحسّب انها سلعة تشتريها

ولا دريت انك على العك واللّك
تاهبك في دوّامة ما تبيها

تتبع سرابٍ واخر العمر تتركْك
سوالفٍ كل العرب تقتريها

والى متى تغتر فيها وتحتك
طعني وقل دنيا الله اكبر عليها

وادعس عليها لين تاصل لبغيتْك
حسن الختام وجنةٍ تمتنيها

انا اشهد ان راحتْك ما هي بدنيتْك
خلك نبيهٍ واتق الله فيها

أحمد الزيداني