* يوم التأسيس هممٌ تبنى وقصصٌ تروى*

سلام الله لمن اسّس كيان وشيّده واعلاه
سلام الله على وسم السعودي يوم تمجيده

سلام الله على محمد عدد ما ذكر بسم الله
عدد من حجّ بيت الله بإقرانه وتفريده

هنا داره هنا ارثه هنا شعبه هنا مرباه
هنا فالعود عودٍ ما نست الامجاد تخليده

وسلام الله على دار الملوك من اوّله لاقصاه
سلامٍ كلّما ذعذع نسيم يعيد تجديده

وسلام الله لاخو نوره يعيد المجد من مبداه
على ذاك الزعيم اللي توحّد هالثرى بيده

كشف وجه الظلام اللي على العارض بدا يغشاه
وضع للملحمه خطّه بتنفيذه وتعميده

على عزمه على حزمه على فكره ونهج خطاه
ملوكٍ تبني الارث العظيم وشعبٍ يشيده

ومن محمد الى محمد وراية دارنا تزهاه
ثلاث قرون قد مرّت على فتحه وتوحيده

وفي عهد المليك اللي وضع خدّ الصعاب حذاه
زمن سلمان من ينهي عظيم المجد ويعيده

مليك العزم والطاله ملك حتى العدا تخشاه
وريث الحزم والظفره له الحكم ومقاليده

برؤية تلفت انظار الشعوب الحالمة بالجاه
تخاطف صوبها العالم يبي للعزّ تأييدة

وفي ليل الذهول اللي عجز كلٍّ على مسراه
عرج سطح المعالي وحده بعزمه وتجسيده

رسم من معجزات الحلم ما يلجم به الافواه
وحقق كلّ ما يحلم بها الانسان ويريده

هنا مكه هنا طيبه هنا غار النّبيّ آواه
هنا قرآننا منزل هنا صوته وترديده

حماك الله يا اغلى بقاع وهالوطن نفداه
فداه ارواح من عاشوا على خيره وفي بيده

الا والله مافينا مروّه كان ما نحماه
وناطى فوق خشم اللي عداه اليوم ونزيده

وطنا كيف مانرخص له الروح ونضد عداه
وطنّا كيف ما نفدى ثراه وحن مواليده

جابر الربعي